Bota

Irani nuk do ti arrestojë gratë për shkak të veshjes

Policia nuk do të arrestojë në Teheran gratë të cilat nuk i përmbahen rregullave islame të veshjes, e të cilat janë në fuqi që nga revolucioni islamik nga viti 1979, por në vend të saj ato do të detyrohen të shkojnë në ligjëratat të cilët do t’i mbajnë policët për rregullat e veshjes islame. Në rast se përsërisin prapë kundërvajtjen, atëherë kundër tyre do të pasojnë procedurat ligjore të parapara.

Gazeta ditore reformiste Shark ka publikuar deklaratën e shefit të policisë së Teheranit gjeneralit Hysein Rahimi se” ato gra të cilët nuk i respektojnë rregullat islame të veshjes nuk do të arrestohen, e as që ndaj tyre do të zbatohet procedurë gjyqësore”.

Njëkohësisht, agjencioni gjysmëzyrtar Tasnim ka kumtuar se “shkelëset” në vend të saj do të detyrohen të ndjekin ligjëratat në organizim të policisë, e në rast se prapë e përsërisin kundërvajtjen do të zbatohet procedura ligjore.

“Këto kurse gjer tani i kanë ndjekur 7.913 persona”, ka thënë Rahimi. Ai nuk i ka cek se cilat rregullat janë në pyetje e as që ka precizuar se kur do të hyjnë në fuqi rregullat e reja. Në Teheran veprojnë mbi 100 qendra në të cilat mbahen kurset për rregullat islame të veshjes.

Iranianet e reja dhe liberale që moti kanë filluar të”thyejnë” kufizimet të cilat diktojnë rregullat islame të veshjes, ashtu që shamitë të cilat i mbajnë nuk i mbulojnë tërë flokët, po i lyejnë edhe me llak thonjtë,gjë që me këto veprime i irritojnë konservatorët iranian.

Shënimet rrallë herë publikohen, por policia e trafikut e Teheranit në fund të vitit 2015 ka evidentuar 40.000 raste të veshjes jo të rregullt në vetura, me ç’rast gratë shpesh i lëshojnë shamitë mbi supe duke i zbuluar flokët e tyre. Këto raste kryesisht sanksionohen me dënime në kundërvajtje dhe konfiskime të përkohshme të veturave.

Burimi : Al Jazeera/ ML

Etiketa

OPINIONE

INTERVISTA