Në një operacion të zhvilluar në juglindje të Iranit u sekuestruan 4 ton e 647 kilogram narkotikë.
Muhammed Ganberi, kryeshefi i policisë në Sistan dhe Baluchestan, tha se pas një informate operacioni kundër kontrabandimit të drogës u organizua në qytetin Zahidan.
Policia rajonale për luftën kundër kontrabandimit të drogës ka ndjekur tre automjete dhe reagoi në momentin kur duhej të bëhej pranim- dorëzimi i narkotikëve.
Ganberi për agjencinë iraniane të lajmeve IRNA tha se kontrabandistët kanë hapur zjarr ndaj policisë dhe se janë arrestuar 4 persona.
Gjatë operacionit, ndër të tjera u sekuestruan mbi 4 ton opium, 361 kilogram heroinë dhe 129 kilogram morfium.
