Islamofobi Gani Mehmetaj vazhdon me shpifjet e tij në lidhje me qendrat apo shkollat fetare dhe komunitetin musliman shqiptar në Shkup.
Në shpifjen e radhës ai sjell historinë e një miku të tij nga shkupi i cili gjoja pasi është sulmuar nga muslimanët është detyruar të ndërrojë zyra edhe shtëpi duke lëvizur drejt një zone e populluar nga maqedonas pasi nuk ishte i sigurtë të jetonte në banesën e tij.
Ai hedh baltë mbi shqiptarët muslimanë të Shkupit duke i quajtuar ata të islamizuar dhe njëkohësisht paguar nga serbët.
Shqiptari nga Shkupi me shkruan:”Në Shkup janë hapur qendra të mëdha të fundamentalizmit islamik me mjekrra e tesha afgane, me burka për gra, me fytyra te mbuluara… Krejt financohen nga shërbimet sekrete serbe me paga prej 1000 euro shefave e deri në 500 euro atyre më të vegjlive…
Shumë herë me kanë sulmuar të tillët. Ma shkatërruan veturen “Mercedes” në parking, ndërsa dëmi më kushtoi 3000 euro”.
Për shkak të terrorit e presionit thotë ai: “kam qenë i detyruar të dal në qendër të Shkupit me zyra me qira, ndërsa i kisha zyrat e mia në rrugën Xhon Kenedi, në Çair. Edhe banesën e kam lënë të zbrazët e kam dal në lagje maqedonase. Me i pa krejt me mjekra e pantallona afgane, fytyrat e mbuluara. Rrezil e kemi punën” jep alarmin ai.
Shkupjanin e vjetër (mikun e mikut tim) donin ta bënin islamik, por ai nuk pranoi, prandaj u detyrua t’ua lëshoj lagjën afganëve.
Me tronditi rrëfimi i tij, por isha i pafuqishëm ta ndihmoja. Janë mijëra shqiptarë në Shkup e në Maqedoni në pozitën e shkupjanit, mirëpo nuk kanë kujt t’i shkruajnë as t’i ankohen./Gazetaimpakt/
