Luigi Di Maio dhe Matteo Salvini, respektivisht kryetarë të Lëvizjes 5 Yjet (L5Y) dhe të Ligës, njoftuan mbrëmjen e së enjtes arritjen e një marrëveshjeje për një qeveri koalicioni.
“Të gjitha kushtet u bënë bashkë për një qeveri politike L5Y/Liga”, njoftuan Luigi di Maio dhe Matteo Salvini në një deklaratë të transmetuar nga L5Y-ja pas negociatash të gjata.
“Angazhim, marrëveshje, dëgjim, punë, durim, mirëkuptim, mendje dhe zemër për të mirën e italianëve. Ndoshta ia dolëm më në fund, pas shumë vështirësish, sulmesh, kërcënimesh dhe gënjeshtrash’’, shtoi Salvini në rrjetin social “Facebook”.
Betimi i qeverisë pritet të bëhet sot (e premte) në orën 16.00.
Më poshtë vijon përbërja e qeverisë italiane, e 65-ta që nga viti 1946:
Kryeministër: Giuseppe Conte
Shef i Kabinetit: Giancarlo Giorgetti
Ministër i Jashtëm: Enzo Moavero Milanesi
Ministër i Brendshëm: Matteo Salvini
Ministër i Drejtësisë: Alfonso Bonafede
Ministër i Mbrojtjes: Elisabetta Trenta
Ministër i Ekonomisë: Giovanni Tria
Ministër i Punës: Luigi Di Maio
Ministër i Marrëdhënieve me Parlamentin: Riccardo Fraccaro
Ministër i Çështjeve Evropiane: Paolo Savona
Ministër i Funksioneve Publike: Giulia Bongiorno
Ministër i Shëndetësisë: Giulia Grillo
Ministër i Çështjeve Rajonale: Erika Stefani
Ministër për Jugun: Barbara Lezzi
Ministër i Mjedisit: Sergio Costa
Ministër i Familjes: Lorenzo Fontana
Ministër i Bujqësisë: Gian Marco Centinaio
Ministër i Transporteve: Danilo Toninelli
Ministër i Arsimit: Marco Bussetti
Ministër i Kulturës: Alberto Bonisoli. /ATSH
