Bota

Izraeli dorëzon pas një viti kufomën e dëshmorit palestinez

Gati një vit nga vrasja e palestinezit Imad Shahin nga forcat izraelite në rajonin kufitar të Rripit të Gazës, ushtria e Izraelit ia ka kthyer kufomën familjes së tij, transmeton Anadolu Agency (AA).

Komiteti Palestinez i Popullsisë dhe Çështjeve Administrative njoftoi se kufoma e 17-vjeçarit palestinez të rënë dëshmor në nëntor të vitit të kaluar është dorëzuar nëpërmjet kalimit kufitar në Beit Hanoun.

Shahin ishte vrarë nga forcat izraelite më 3 nëntor të vitit 2018 gjatë protestave paqësore që organizohen rregullisht nga 30 marsi i vitit të kaluar në kufirin e Gazës nën moton “Marshi i Madh i Kthimit”.

Gjatë këtyre demonstratave, në të cilat protestuesit kërkojnë kthimin e refugjatëve të dëbuar palestinezë në tokat e tyre dhe heqjen e bllokadës shkatërruese ndaj Gazës, forcat izraelite hapin zjarr ndaj civilëve./ AA