Shqiperia

Ja se kush janë politikanët shqiptarë që mbështetën terrorizmin e MEK-ut kundër Iranit

MEK që u strehua në Shqipëri si një organizatë azilantësh tani i ka kapur për hundësh politikanët e korruptuar shqiptarë dhe i bën që të thyejnë kodin penal të Shqipërisë dhe kërkojnë luftë kundër një vendi të huaj.

Në një organizim me titull: “Konferenca e Lirë e Iranit 2020 mbi Terrorizmin e Regjimit Iran” MEK kishte ftuar politikanë dhe mbështetës të tyre nga vende të ndryshme të botës duke përfshirë edhe Shqipërinë. Në fakt, duke qënë se Kulti i Rajavit aktulisht e ka kampin e tij në vendin tonë në këtë organizim kishte një numër dukshëm të madh të shqiptarëve të cilët mbështetin këtë organizatë e cila është një rrezik potecinal për sigurinë e vendit tonë.

Kjo nuk është hera e parë që politikanët tanë të korruptuar flasin dhe mbrojnë MEK, pasi që pas vendosjes së tyre në Shqipëri ata janë shtuar ndjeshëm.

Ndërsa në Shqipëri besimtarët muslimanë futen në burg nëse flasin për luftë kundër Sirisë, Fatmir Mediu, Pandeli Majko, Grida Duma-Shkjau, Elona Gjebrea, Valentina Leskaj, Diana Culi, Namik Kolpliku, Edmond Spaho, Endri Hasa, Emiriana Sako, Margarita Kola, Fatbardha Kadiu, Drita Advyli e deri tek kompozitori Zhani Ciko bëjnë thirrje për luftë ndaj një vendi të huaj, por antiterrori, Gledis Nano dhe prokuroria ka frikë të nisi procedim penal kundër këtij aktiviteti terrorist që organizohet në Shqipëri.

Ata janë gati të burgosin cdo musliman që shpeh hapur mendimin e tij për cështje të ndryshme, por nuk bëjnë asgjë për këtë aktivitet terrorist.

I pari shqiptar që foli në këtë video- konferencë ishte Ministri për Diasporën, ish kryeministri Pandeli Majko i cili njihet për mbështetjen e tij të flaktë ndaj MEK. Fakt është që Majku është i ftuari i përhershëm i organizimeve të MEK në Shqipëri. Majko tha se “Irani nuk po vepron si një shtet” për shkak të terrorizmit dhe ndërhyrjes së tij.

Ai tha: “Ne mendojmë se liria do të jetë e ardhmja e Iranit. Dhe ne besojmë se MEK krijon besim dhe besnikëri midis Iranit dhe botës. Irani ka vaksinën për të ardhmen e saj. Ajo është MEK dhe njerëzit që luftojnë për liri. Ju jeni pjesë e familjes sonë dhe ne ju konsiderojmë pjesë të familjes tonë”.

Folësi tjetër ishte Fatmir Mediu, kreu i Partisë Republikane Shqiptare dhe ish Ministër i Mbrojtjes, i cili është personi që bëri Gërdecin dhe i ka duart me gjak shqiptarësh që tha se MEK ishte mbështetur nga të gjitha partitë politike në Shqipëri dhe argumentoi se Shqipëria duhet të “përfundojë marrëdhëniet politike me regjimin iranian” për sulmin terrorist e mbetur në tentativeë ndaj MEK në Mars 2018.

Ai tha: “Irani po paraqet një kërcënim për sigurinë tonë. Ne nuk duhet ta injorojmë atë fakt. Ne duhet të flasim për këtë në takimet e NATO-s. Ne duhet të bashkohemi [MEK] jo vetëm në konferenca, por edhe në aktivitete që do të na ndihmojnë të ngrejmë këtë çështje në një nivel tjetër.”

Një tjetër folëse në këtë video-konferencë ishte edhe Sekretarja e Komisionit të Punëve të Jashtme të Parlamentit shqiptar Elona Gjebrea, e cila ka qenë zv/ minister në kohën kur vendi u mbuluar nga kanabisi dhe ajo u përmend shpesh herë për lidhjen e saj me grupin kriminal të habilajve dhe cështjen Tahiri-Habilaj. Ajo tha se për shkak të veprimtarive terroriste të regjimit në Shqipëri, u dëbuan tre diplomatë iranianë dhe një ambasador, por ajo theksoi se duhet bërë më shumë; gjegjësisht referimi i dosjes së abuzimeve të të drejtave të regjimit në Këshillin e Sigurimit të Kombeve të Bashkuara.

Ajo tha: “Unë mbështesja zonjën Rajavi dhe planin 10 pikësh të saj. Ajo parashikon një të ardhme të lirë për Iranin. Jam krenar që mbështes gra iraniane që luftojnë për liri dhe demokraci. Unë jam e vendosur në mbështetje të zonjës Rajavi dhe njësive të rezistencës iraniane brenda Iranit”.

Një tjetër politikane që foli gjatë kësaj video-konference ishte ish-deputetja shqiptare Valentina Leskaj, e cila e quajti përkrahjen e Rezistencës iraniane “një detyrim njerëzor” sepse ata nuk janë vetëm duke luftuar për vendin e tyre, por të gjitha vendet. Ajo u shpreh se e mbështet planin dhjetë-pikësh të Maryam Rajavi për një Iran të lirë, me demokraci dhe ndarje të fesë dhe shtetit.

Ajo tha: “Njerëzit që jetojnë në Ashraf punojnë shumë. Ata nuk prisnin që të tjerët të ndërtonin shtëpitë e tyre për ta. Ata tregojnë një model të ndërtimit të një komuniteti të vërtetë dhe të jetojnë në harmoni me popullin shqiptar. Ky është një shembull shumë i mirë që ata japin në Shqipëri. Këta njerëz kanë treguar se respektojnë të drejtat e njeriut, të drejtat e grave, ata e kanë treguar këtë duke zgjedhur një grua, Zonjë Rajavi, si drejtuese të tyre. Ky është një mesazh i fortë jo vetëm për Iranin por për rajonin dhe më gjerë”.

Folësi shqiptar në radhë ishte deputeti shqiptar Edmond Spaho, i cili tha se “erdhi koha për ndryshime në Iran” dhe i kërkoi komunitetit ndërkombëtar të mbështesë popullin iranian dhe “të mbyllë misionet diplomatike të Iranit” që përdoren për aktivitete terroriste.

Ai tha: “Shqipëria qëndron e fortë kundër çdo lloj terrorizmi. Ne mbështesim opozitën iraniane. Të gjithë përfaqësuesit e agjencive të inteligjencës iraniane nuk duhet të lejohen në vendin tonë. Plani i dhjetë pikave të zonjës Rajavi mbështet një Iran të lirë, demokratik dhe laik. ”

Shqiptari tjetër që foli në këtë video-konferencë tjetër ishte deputeti Endri Hasa i cili dënoi regjimin iranian për “vrasjen e mijëra iranianëve të pafajshëm” dhe theksoi se situata është përkeqësuar për shkak të koronavirusit.

Hasa tha: “Regjimi iranian duhet të mbahet përgjegjës. Ne qëndrojmë përkrah popullit iranian. Ne jemi të vendosur kundër të gjitha formave të shtypjes, terrorizmit dhe eksportit të fondamentalizmit. Ne mbështesim një Iran që është jo-bërthamor, demokratik dhe laik”.

Si pjesmarrëse e disa organizimeve të MEK nuk mund të rrinte pa folur edhe femra e Lulzim Bashës, ish ministrja shqiptare Grida Duma-Shkjau, e cila foli për mënyrën sesi Maryam Rajavi përfaqëson shpresën për liri në Iran dhe për të gjithë iranianët. Ajo theksoi se bota duhet të ndërmarrë veprime kundër sjelljes malinje të Iranit, i cili përfshin “miliarda dollarë për të mbështetur regjimin e Asadit” dhe proxies të tjerë të huaj.

Ajo tha: “Iranët kanë refuzuar teokracinë dhe monarkistët. Unë mbështes planin dhjetë pikësh të Zonjës Rajavi. Nuk kam dyshim se së shpejti do të vijë dita që zonja Rajavi do të jetë në gjendje ta vërë në zbatim planin e saj. Ne ju falënderojmë që na dhatë mundësinë për të qenë në anën e duhur të histories”.

Folësi tjetër ishte Namik Koplikun, një ish-enversit që nuk mundësoi familjen Mohamady të takojnë vajzën e tyre që mbahet në kampin e xhihadit të manzës i cili i tha se MEK kanë mbështetje në të gjithë botën dhe se, për shkak të Maryam Rajavi, një Iran i lirë do të ndodhë së shpejti.

Kolpliku tha: “Ju jeni vëllezërit dhe motrat tona. Ne jemi me ju. Ne e dimë se çfarë do të thotë të luftosh për liri dhe demokraci. Ne do të jemi gjithmonë në anën tuaj “.

Si një pjesmarrëse nuk mund të mungonte së foluri edhe Diana Culi, një spiune e regjimit të Enver Hoxhës që coi në litar vëllezerit Blloshmi që  tha se bota i di për mizoritë e regjimit iranian që e kanë shtyrë popullin iranian në “prag të një kryengritjeje” para se të lavdëronte banorët e Kampit Ashraf 3 që po rrezikojnë gjithçka për lirinë e vendit të tyre.

Ajo tha: “Zonja Rajavi ka një vizion për një shoqëri moderne iraniane bazuar në barazi. Jam e lumtur që pata rastin të kuptoj historinë e MEK dhe pse ata kurrë nuk pushojnë për të sjellë ndryshime në vendin e tyre. Ne qëndrojmë të vendosur kundër terrorizmit dhe fondamentalizmit të regjimit iranian në Shqipëri dhe gjetkë. Ne qëndrojmë me MEK dhe NCRI, dhe zonjën Rajavi”.

Një tjetër folëse ishte edhe Emiriana Sako, kryebashkiakja e Durrësit, e cila ka nën juridiksionin e saj Manzën, vendin ku është ndërtuar Kampi Ashraf 3 në Shqipëri.

Sako theksoi mbështetjen për popullin iranian dhe luftën e tyre për liri, duke thënë se ishte traditë shqiptare të pritësh njerëz që janë në rrezik, siç ndodhi me shumë hebrenj nga Gjermania në Luftën e Dytë Botërore.

Sako tha: “Gjatë tre viteve të fundit MEK ka krijuar marrëdhënie miqësore me komunitetet lokale. Unë do të doja të them që Ashraf 3 ka luajtur një rol pozitiv në zonë dhe ka ofruar ndihmë humanitare për vendasit. Ju uroj një kthim të shpejtë në vendin tuaj kur të vendoset liria dhe demokracia. ”

Më tej ishte psikologja e dëshpëruar që Lul Basha e bëri deputete, Orjola Pampuri, që mbrojti përkrahjen për fushatën e Maryam Rajavi për liri dhe i tha popullit iranian se “fitorja juaj është fitorja jonë”.

Pas saj ishte ish-ministrja shqiptare Drita Advyli, e cili tha se nëse regjimi përpiqet të bombardojë anëtarët e MEK mijëra kilometra larg në Shqipëri, “ne mund të imagjinojmë vetëm se çfarë bëjnë ata me njerëzit në vendin e tyre”. Ajo pastaj përmendi rastin e një njeriu iranian të ekzekutuar së fundmi për pirjen e alkoolit, duke thënë se kjo është një përpjekje e qartë për të trembur njerëzit.

Ajo tha: “Ne në Shqipëri kemi përvojë dhe mund të themi se mizoria nuk do të heshtë njerëzit. Marrja e pengjeve nuk do të shpëtojë regjimin. Shqipëria është shtëpia e dytë e opozitës iraniane. Ne e dimë që nëse qëndrojmë së bashku dhe me një udhëheqës si zonja Rajavi, do të arrijmë një Iran të lirë”.

Një tjetër person që do të fliste ishte avokatja e të drejtave të grave Sevim Arbana, e cili trajtoi çështjen e të ashtuquajturve vrasje të nderit në Iran, duke thënë se nuk ka “asnjë nder” në to. Ajo tha se kjo tregon që regjimi nuk e konsideron si krim kur vret një vajzë.

Ajo tha: “Fatkeqësisht, Komisioneri i Lartë i Kombeve të Bashkuara për të Drejtat e Njeriut nuk e dënoi këtë krim. Ne duhet të flasim kundër barbarisë së regjimit. I bëj thirrje të gjithëve të mos heshtin. Unë e kam mbështetur me vite opozitën iraniane. Unë jam optimist se plani i dhjetë pikave të Zonjës Rajavi është një plan i fortë për lirinë dhe demokracinë në Iran. ”

Pas saj ishte deputetja shqiptare Fatbardha Kadiu, e cila tha se Irani ishte marrë “peng” nga regjimi, i cili kreu shumë krime kundër popullit iranian nga vrasja e 1.500 protestuesve në nëntor 2019 deri në masakrën e 30,000 të burgosurve politikë në 1988, por nuk është sjellë para drejtësisë.

Ajo tha: “Komuniteti ndërkombëtar nuk duhet të heshtë. Ne duhet të qëndrojmë me qytetarët iranianë për të vendosur demokracinë në vendin e tyre. Kur bëhet fjalë për këtë lloj situate, ne qëndrojmë me ju dhe ju mbështesim për të arritur fitoren tuaj në krijimin e një qeverie demokratike në Iran”.

Folësi tjetër ishte Margarita Kola, një avokate që ka goditur në fytyrë policët e rajonit 4 në Tiranë duke u thënë se punon për CIA-n, e cila tha se fushatat e demonizimit të regjimit po përpiqen të paraqesin një pamje të rreme të MEK, por theksoi se MEK “simbolizon historinë e popullit iranian të luftës për liri”. Ajo u shpreh se asgjë nuk e justifikon terrorizmin, kjo është arsyeja pse është mirë që operatorët iranianë u dëbuan dhe se gjyqësori Belgjikë e ka futur Assadi në gjyq për përpjekjen për të bombarduar mbledhjen e Iranit të Lirë 2018.

Ajo tha: “Lufta e Shqipërisë kundër veprimtarive terroriste të regjimit iranian po jep një shembull për vendet e tjera. Jemi krenarë që qëndrojmë në anën e duhur të historisë ”.

E besoni apo jo pjesë e kësaj video- konference ishte edhe vllaho shqiptari Zhani Ciko, i cili deklaroi solidaritet me terroristët dhe qeverinë shqiptare për vendimin e tyre të guximshëm për të pritur Rezistencën. Nuk dihet se përse ai ishte pjesë e saj dhe cfarë rëndësi ka opinioni i kompozitori në moshë për një  cështje që presupozohet se nuk ka informacionin e nevojshëm. Me siguri, ashtu sic edhe pseudopolitikanët e tjerë të përmendur më lart dikush ka nisur të përdorë edhe artistët për një cështje me kaq shumë rëndësi për sigurinë tonë kombëtare për ti bërë qejfin Amerikës dhe MEK.

Numri në ritje i politikanëve tanë të korruptuar në mbrojtje të MEK po rritet ndjeshëm si pasojë e presionit të Aambasadës Amerikane në Tiranë për të mbështetur këtë organizatë ish- terroriste./gazetaimpakt/ncr-iran.org

 

OPINIONE

INTERVISTA