Lëvizja Ansarullah e Jemenit, e cila ndihmon ushtrinë e vendit në luftën e saj kundër fushatës vdekjeprurëse ushtarake të Arabisë Saudite, ka kërcënuar për sulme të tjera raketore në portet dhe aeroportet në Arabinë Saudite dhe Emiratet e Bashkuara Arabe si hakmarrje për masakrimin e mijëra jemenasve.
“Të gjitha aeroportet, portet, vendkalimet kufitare dhe zonat me rëndësi në Arabinë Saudite dhe Emiratet e Bashkuara Arabe do të jenë një objektiv i drejtpërdrejtë i armëve tona, gjë që është një e drejtë legjitime”, tha zyra politike e Ansarullah në një deklaratë të martën. “Ne nuk do të qëndrojmë në heshtje, ne do të kërkojmë mjete më radikale për të parandaluar shtrëngimin e bllokadës dhe të gjitha veprimet që synojnë vdekjen dhe shfarosjen e popullit të Jemenit”, thuhet në deklaratë. Zhvillimi erdhi një ditë pasi koalicioni i udhëhequr nga Arabia Saudite kundër Jemenit njoftoi se kishte “vendosur të mbyllë përkohësisht të gjitha portet ajrore, detare dhe tokësore të Jemenit”. Të shtunën, forcat jemenase, lëshuan një raketë me rreze të gjatë veprimi të tipit Borkan H2 në aeroportin ndërkombëtar King Khalid në Riadin verilindor, raketa e parë që arriti në kryeqytetin saudit./ PT
