Rajoni

Kamioni merr flakë, digjen të gjallë 11 refugjatë në Greqi (Foto)

Një ngjarje e rëndë ka ndodhur në Kavala të Greqisë, teksa një kamion ka marrë flakë pas përplasjes me një mjet tjetër dhe për pasojë janë djegur të gjallë 11 refugjatë të fshehur brenda kamionit.

Ngjarja e rëndë ka ndodhur në rrugën Egnatia rreth orës 5:30 të mëngjesit të sotëm.  Pas përplasjes së fortë të dy mjetet janë përfshirë nga flakët, ndërsa refugjatët nuk kanë mundur të dalin nga kamioni dhe janë djegur.

Identifikimi i trupave të viktimave dhe origjinës së tyre është i vështirë për shkak të djegieve të shumta.

Fshehja e refugjatëve nga vendet e treta brenda kamionëve të cilët synojnë vendet e BE dhe Anglinë është një praktikë e njohur dhe mjaft e rrezikshme.

Sipas hetimeve të para, shkak i aksidentit dyshohet shpejtësia e madhe.

  • foto galeri
  • foto galeri
  • foto galeri
  • foto galeri
  • foto galeri

Burimi: BalkanWeb

OPINIONE