Kompania ÖZTÜRK GROUP nga Turqia shpreh interes për të investuar në fushën e turizmit në Ulqin

Turqia e shikon Malin e Zi si vend të sigurt për investime me kushte të shkëlqyeshme. Në këtë drejtim numri i investitorëve turq të interesuar është gjithnjë e në rritje. Turizmi, bujqësia, industria, ndërtimtaria mbeten sektorë më atraktivë për investitorët turq. Sa i përket investimeve në fushën e turizmit investitorë nga Turqia janë fokusuar në qytetin e Budvës që dhe mban epitetin si metropoli i turizmit, por ata po tregojnë interesim gjithnjë e më të madh për të investuar në qytetin e Ulqinit. Vizitat, kontaktet dhe takimet janë pothuajse të përjavshme. Kryetari i Ulqinit Nazif Cungu dhe bashkëpunëtorët e tij patën një takim me Ufuk Öztürk, njërin nga udhëheqësit dhe bashkëpunëtorët e ÖZTÜRK GROUP. Kjo kompani është themeluar në vitin 1980 dhe vepron në fusha të ndryshme siç janë: turizmi, industria e naftës, patundshmërive, logjistikës, bujqësisë, prodhimin e artikujve foragjere dhe ka një xhiro vjetore prej 11 miliardë euro. Në takim z. Özturk shprehu interesim të veçantë për projektet që kanë të bëjnë me ndërtimin e një rezorti në lokalitetin Mavriannë Ulqin, fusha golfi në Shas, lokacione për aeroport si dhe planet që po punohen për zonën e plazhit të madh të Ulqinit. Mysafirët nga Turqia do të kthehen përsëri në Ulqin, ku do të propozohen edhe masa konkrete për investime të mundshme. Delegacionin e kompanisë “ÖZTÜRK GROUP” paraprakisht në Podgoricë e priti edhe Presidenti i Malit të Zi, Filip Vujanoviq./ trt