Bota

Kongresmenët kërkojnë anulimin e marrëveshjes 110 miliardë dollarëshe me Arabinë Saudite

Republikanët dhe demokratët kryesor në Kongresin amerikan kanë bërë thirrje që të anulohet marrëveshja prej 110 miliardë dollarësh që Presidenti amerikan Donald Trump nënshkroi në Arabinë Saudite javën e shkuar.

Shqetësimi kryesor i tyre është se Mbretëria saudite mund t’i përdorë armët më të reja në luftën e Jemenit. Kongresmeni Ted Lieu dhe Ted Yoho, përfaqësues nga demokratët dhe republikanët, thanë se Uashingtoni duhet të rishikojë dorëzimin e municioneve dhe armëve të tjera të sofistikuara për në mbretërinë saudite Ata argumentuan se ishte e rëndësishme të kuptohej nëse forcat ajrore saudite, të cilat kryesojnë agresionin e Arabisë Saudite kundër Jemenit fqinj, do të ishin në gjendje të përdorin armët e fundit në sulmet e tyre kundër luftëtarëve jemenas. Ligjvënësit thanë se në dhjetor, administrata e Obamës pezulloi “një shitje të planifikuar të armëve Riadit, për shkak të shqetësimeve mbi viktimat e shumta civile në Jemen dhe mangësi të konsiderueshme në aftësitë e ushtrisë saudite në përdorimin e armëve të sofistikuara amerikane./ PT

OPINIONE

INTERVISTA