Bota

Koreja e Veriut: Raketa e re mund të arrijë çdo vend në SHBA

Raketa ndërkontinentale e lëshuar gjatë natës, i tregoi botës se Koreja e Veriut ka tashmë kapacitetin teorik për të goditur shtetet amerikane, e madje edhe kryeqytetin Uashington.

Sipas të dhënave të para të publikuara nga Seuli e konfirmuara nga Pentagoni, raketa kishte një trajektore tepër të lartë, arriti shpejtësinë maksimale të 4 500 km dhe më pas fluturoi për 53 minuta duke përshkuar 960 km para se të binte në detin e Japonisë.

Por sipas llogarive, mund të kishte fluturuar për 13 mijë kilometra. Televizioni i Penianit njoftoi gjatë një transmetimi special se ishte lëshuar një raketë e re e llojit Hëasong 15 në praninë e udhëheqësit Kim Jon Un. Prezantuesja e veshur me roze, tha me entuziazëm se Republika Popullore Demokratike e Koresë së Veriut ishte tashmë një shtet bërthamor.

Në televizionin shtetëror të këtij vendi është thënë që Koreja e Veriut ka realizuar misionin e saj që të bëhet një shtet nuklear.Raketa Hwasong-15, e përshkruar si më e fuqishmja, është lansuar orët e para të ditës së mërkurë.

Ajo ka rënë në ujërat japoneze dhe ka përshkuar një lartësi më të madhe se raketat e tjera të testuara më parë nga Koreja e Veriut.

Sipas deklaratës, raketa ishte një armë mbrojtëse kundër politikës imperialiste amerikane të shantazhimit bërthamor, e nuk përbënte rrezik për vendet e tjera. E lëshuar në errësirë në orët e para të së mërkurës, pavarësisht se ra në ujërat e Japonisë, ajo fluturoi më lart se çdo raketë tjetër e testuar më parë. Edhe në të kaluarën Peniani ka pretenduar se mund të godasë SHBA, por kjo është hera e parë që thotë se mund ta bëjë me këtë lloj të ri raketë që është një version i përmirësuar i të tjerave. Sipas një analizë të unionit të shkencëtarëve me bazë në SHBA, raketa mund të kishte mbërritur me të vërtetë në SHBA, por ajo kishte një testate të lehtë, çka e bën të vështirë mbajtjen e një ngarkese bërthamore për një distancë të tillë.