I futar në emisionin “Ekopolitikë” nga gazetari Besart Kadia në “RTV Ora”, ekonomisti Pano Soko tha se do mungojnë dy miliardë euro në ekonomi për shkak të krizës nga pandemia dhe kjo përkthehet në humbjen e 200 mijë vendeve të punës.
Sipas tij, ekonomia do vazhdojë të bjerë edhe pasi të rihapet sepse njerëzit janë të frikësuar dhe duan të kursejnë.
“Një krizë ekonomike do të prodhonte pasoja pothuajse edhe më të mëdha se çdo të prodhonte një krizë epidemike. Në një situatë krize ku ne mesatarisht prodhojmë rreth 2 milardë euro ekonomi të munguar , të gjitha këto 2 miliardë për tu korrektuar do të bien mbi vendet e punës. Në qoftë se mesatarisht produktiviteti për rrogat mesatare shqiptare është 1 me 2, po marrim rastin më të mirë, atëhere i bie që një vend pune i bie që një vend punë kushton 10 mijë euro ekonomi. 10 mijë euro ekonomi është një vend pune, për 2 miliardë euro janë 200 mijë vende pune. Pra 200 mijë vende pune do të humbasin. Këo 200 mijë vetë çfarë do bëjmë? Njerëzit janë të frikësuar dhe nuk janë të prirur për të blerë por që të kursejnë. Pra ekonomia do vazhdojë të bjerë edhe pasi të hapet”, tha Pano Soko./Tpz
