Pas sulmeve ajrore nga të dyja palët, kryeministri pakistanez Imran Khan bëri thirrje të mërkurën për bisedime me Indinë dhe shpresonte se “një arsyetim më i mirë” do të mbizotëronte për mos përshkallëzimin e mëtejshëm të mosmarrëveshjeve me fqinjin e tij të armatosur me armë bërthamore.
“Historia na ka treguar se luftërat kanë qenë gjithmonë plot me llogaritje të gabuara. Pyetja ime është se duke pasur parasysh armët që kemi, a mund të lejojmë keqllogaritjet? Ne duhet të ulemi dhe të flasim,” tha Khan gjatë një transmetimi të shkurtër televiziv në vend./yenisafak/Gazeta Impakt
