Austria do të luftojë kundër anti-semitizmit në Evropë dhe mbrojë nëse është e nevojshme, sigurisë e Izraelit, tha të hënën në Jerusalem kancelari austriak Sebastian Kurz.
Kurz është në një vizitë tre-ditore në Izrael, gjatë së cilës kërkon të kapërceje një bllokim në marrëdhëniet midis dy vendeve për shkak të së kaluarës naziste, pas ardhjes në pushtet të partive të ekstremit të djathtë që janë në koalicionin qeverisës austriak. Partia e Lirë Austriake (FPO) është themeluar pas Luftës së Dytë Botërore nga ish-nazistë dhe ka si udhëheqës zv/kancelarin Heinz-Christian Strache.
“Unë ju siguroj se me vendosmëri do të luftoj kundër të gjitha formave të anti-semitizmit në Evropë. Ne do të përpiqemi të rrisim vetëdijen në Evropë për situatën e veçantë dhe nevojat e veçanta të sigurisë të Izraelit”, u tha Kurz gazetarëve në Jerusalem.
Nga ana tjetër, kryeministri Benjamin Netanjahu e quajti Kurz një “trim” dhe “mik i vërtetë i Izraelit dhe i popullit hebre”.
Netanyahu shprehu gjithashtu kënaqësinë e madhe që Kurz do vizitojë Murin Perëndimor, vendin e shenjtë çifut në qytetin e vjetër të Jerusalemit.
“Unë shpresoj se edheudhëheqësit e tjerë evropianë do të ndjekin shembullin tuaj”, tha kryeministri izraelit. /tesheshi
