Sadadm Husseini, që rrjedh nga një familje e varfër, u shndërrua në një nga liderët më të frikshëm të botës.Në vitet e hershme të 60-tave, Ahmad Al-Rikaby ishte arrestuar në Irak pas një grushtshteti të dështuar. Në qelinë fqinje në burg gjendej njeriu i quajtur Saddam Hussein, një person i qetë me sjellje të mirë, që zakonisht u bënte kafe shokëve të burgut. Por Al-Rikaby kujtohet se ky njeri nuk ngurronte ti kërcënojë të burgosurit tjerë.
Një ditë, në burg shpërtheu përleshja ndërmjet fraksioneve rivale të partisë Baath, e cila ishte rrëzuar nga pushteti vetëm disa muaj, përpara se të hipte përsëri me grusht shtet në vitin 1963. Gardianët filluan ti kërkojnë nxitësit e trazirave të japin shpjegimin. Askush nuk u pëgjigj. Al-Rikaby kujton: “Gardianët pyetën përse askush nuk përgjigjet. Pastaj të gjithë njëzërit thanë: Shoku Saddam, a do përgjigjesh ti. Saddami foli dhe tha: Ne jemi revolucionarë, por kur do të kthehemi në pushtet, do të jepni llogari”, kujton Al-Rikabi.
Në një rast tjetër, rojet e burgut e kishin marrë Al-Rikabin në zyrë dhe e kishin akuzuar se i ka nxitur trazirat.
“Kur u ktheva Saddami më pyeti: Çfarë të bënë. I thashë se dikush i kishte informuar. Saddami filloi të qeshë dhe më tha se ai i kishte njoftuar. Në këtë mënyrë ai përpiqej të fitojë besimin e gardianëve për të kuptuar se çfarë po ndodh në udhëheqësinë e burgut”, vazhdon Al-Rikaby.
Këto dy anekdota të Al-Rikaby flasin për vitet e hershme të Saddamit, liderit të ardhshëm i cili e sundoi Irakun me frikë, tortura dhe ekzekutime. Por ky sundim kollapsoi këtë vit, pasi tanket amerikane hynë në Bagdad dhe forcat e koalicionit i morën pozitat nëpër tërë vendin.
Saddami ka lindur në prill 1937 në një familje të varfër afër Tikritit. I ati kishte vdekur para se të lindë, kurse njerku e kishte keqtrajtuar shumë.
Jetën politike e filloi në Bagdad në vitet e 50-ta kur iu bashkangjit partisë Baath, apo partisë së Ripërtrirjes, e cila synonte bashkimin e botës arabe.
Në 1959 mori pjesë në atentatin ndaj gjeneralit Abd-Al-Karim Qasim, i cili një vit më parë e përmbysi monarkinë të vendosur nga britanikët. Atentati dështoi, ndërsa Saddami u largua nga vendi. Nga Egjipti u kthye në vitin 1963 kur partia Baath erdhi në pushtet.
Tariq Aziz, zëvendës kryeministër i Saddamit, ka thënë se në ato vite, Saddami i ka shërbyer me sukses liderit të partisë Ahmed Hassan Al-Bakr. Kur al-Bakr u bë president në vitin 1968, Saddamin e emërtoi zëvendësin e tij.
Më 1979 ai e shfrytëzoi rastin. Me një grushtshtet e detyroi ish presidentin të tërhiqet për arsye shëndetësore. Po atë vit, në Iranin fqinj revolucioni islamik e përmbysi Shahun. Marrëdhëniet mes dy vendeve u ftohën. Një vit më vonë, Iraku sulmoi, duke nisur kështu një luftë 8 vjeçare, që e dërmoi vendin e varfëruar.
Ndërkohë lidhjet e Saddamit me perëndimin u përmirësuan, nga droja se revolucioni islamik mund të përhapej në rajon. Shtetet e Bashkuara dhe Britania e mbështetën Irakun me shpresë se Bagdadi do të mund të ndalë Teheranin, dhe e mbyllnin njërin sy për gazrat kimike që Saddami u hidhte kurdëve dhe ushtarëve iranianë.
Ish ambasadori britanik në Irak John Moberly disa herë e kishte takuar Saddamin në vitet e 80-ta.
“Përnjëherë nuk ndjeni se ai është një person i urryer. Nuk duket i tillë kur flet me zyrtarët apo ministrat. Por mendimi ju ndryshon kur shihni se me çfarë vrazhdësie i trajton jetët e njerëzve”, thotë Moberly.
Lufta shkatërrimtare me Iranin u pasua me invazionin në Kuvajt.
“Iraku shënoi fitore ndaj kundërshtarëve të popullit arab. Iraku do të shënojë fitore në të gjitha drejtimet”, tha atëherë Saddam Husseini.
Pas disfatës në luftën e Gjirit në vitin 1991, mbeti mister përse Saddami refuzonte të bashkëpunojë me inspektorët e Kombeve të Bashkuara. Moberly thotë:
“Ai sigurisht kishte ambicje të bëhet lider i arabëve në shekullin e ri, ta tejkalojë presidentin e Egjiptit Naserin, dhe ndoshta të krahasohet me Salajdinin e mesjetës, i cili luftoi kundër kryqëzatave. Ai kishte ambicje të shihet si figurë heroike”, përfundon Moberly.
Kush ishte Saddam Husseini sipas Kathleen Knox
NDANI KËTË POSTIM
Mund tju interesojne
Kosova dhe Palestina
March 18, 2024
Pse MEK-u mundohet te fshehi te kaluaren e saj terroriste?
March 17, 2024
Sa xhami, mesxhide dhe teqe kishte Shqipëria në vitin 1932?
March 17, 2024
Forumi ekonomik botëror fton në luftë kundër”dezinformatave”
March 17, 2024
Propagandistani, newborn-i i Ballkanit
March 17, 2024
ÇFARE NENKUPTON TERMI “FEJA E SHQIPTARIT ASHT SHQIPTARIA”
March 16, 2024