Ish-ministri i Drejtësisë, Ylli Manjani, ka reaguar pas vendimit të Apelit, i cili liroi ish-ministrin e Brendshëm, Saimir tahiri.
Sipas Manjanit reforma në drejtësi po dështon. Me nota ironizuese ish-ministri shkruan se po kërcënohet çdo njeri që nuk është pjesë e drogës.
Postimi i plotë
Mbaroi dhe loja e “Dashnorëve të Reformës në Drejtësi”!
Për vite me radhë na hapën barkun me deklarata se “sa shumë e duan reformën”!
Na shurdhuan veshët me dashurinë për “miqtë” amerikanë e Europianë!
Na shpuan hundët me fjalë të vjella nga goja e propagandës kundër opozitës!
Tani që janë zënë në flagrancë në trafik droge, e harruan refomën! “Miqtë” e huaj u bënë armiq.
Tani që “miqtë” po ikin, janë lëshuar pa doreza. Kërcënojnë e arrestojnë çdokënd që nuk është pjesë e trafikut të drogës!
Përfundimisht kemi pushtet droge, që ka rrëmbyer shtetin!
Kjo është Rilindja!