Tre persona kanë mbetur të plagosur rëndë në një aksident rrugor të ndodhur mbrëmjen e së dielës në hyrje të qytetit të Bilishtit ku drejtuesi i një mjeti tip “Benz” me targa AA107TL, ka humbur kontrollin e mjetit dhe ka dalë nga rruga.
Sipas informacioneve të para mësohet se si pasojë e këtij aksidenti kanë marrë dëmtime drejtuesi, si edhe 2 pasagjere që ndodheshin në mjet. Të aksidentuari janë shtetasit: E.D, 22 vjeç K.M, 22 vjeç A.A, 22 vjeç, të tre banues në fshatin Cangonj-Devoll.
Dy të parët, ndodhen në reanimacion në Spitalin e Korçës. Ndërsa shtetasi A.A, ndodhet jashtë rrezikut për jetën. Grupi hetimor po punon për sqarimin e rrethanave të ngjarjes.
Burimi: BalkanWeb
