Mediat italiane shkruajnë se mes viktimave të tërmetit tragjik në Shqipëri është edhe e fejuara e djalit të kryeministrit Rama.
Sipas TGCOM 24, Greg Rama ka humbur të fejuarën e tij, pasi u gjet e vdekur nën rrënoja.
“Tërmeti në Shqipëri, vdes e fejuara e djalit të kryeministrit”, shkruan TG24 në titrat e lajmeve, siç mund ta shihni edhe në foton e mëposhtme.
Më herët, djali i kryeministrit shkruante në “Instastory” se mes viktimave është një e afërme e tij.
“Mes viktimave të shumta nga kjo fatkeqësi natyrore, edhe një njeriu im i afërt së bashku me vëllain e saj, mamin dhe babin janë gjetur nën rrënoja. Vetëm dy trupa janë nxjerrë deri tani nga gërmadhat e asaj që u shpall ditë zie kombëtare”, shkruante Gregor Rama.
Në media u konfirmua se bëhet fjalë për Kristi Reçin, studenten e mjekësisë, e cila u identifikua si një prej viktimave të identifikuara të tërmetit në Thumanë.
Por siç duket, mediat italiane kanë shkuar më tej, pasi sipas tyre viktima nuk është thjesht një e afërme, por e fejuara e djalit të kryeministrit./ tpz