Në botë 115 milionë fëmijë meshkuj janë martuar në moshën fëminore

Fondi i Kombeve të Bashkuara për Fëmijët (UNICEF) njoftoi se 115 milionë fëmijë meshkuj në mbarë botën janë martuar në moshën fëminore, transmeton Anadolu Agency (AA).

UNICEF për herë të parë ka përgatitur një raport mbi fëmijët që martohen në moshë të hershme “fëmijët dhëndërr” të bazuar në të dhënat nga 82 vende.

Sipas raportit, në botë ka 115 milionë fëmijë dhëndërr, ku 1 në 5 nga këta fëmijë janë të martuar para moshës 15 vjeçare.

Republika e Afrikës Qendrore ka shkallën më të lartë të fëmijëve dhëndërr me 28 për qind, e cila pasohet nga Nikaragua me 19 për qind dhe Madagaskari me 13 për qind.

Nga ana tjetër, numri i përgjithshëm i fëmijëve të martuar në moshën fëminore thuhet se ka arritur në 765 milionë.

Aktualisht, 1 nga 5 femra në moshën 20-24 vjeç janë martuar para moshës 18 vjeç, ndërkohë që kjo përqindje u gjet të jetë 1 në 30 tek meshkujt.

– “Martesa e hershme vjedh fëmijërinë e njerëzve”

Në lidhje me këtë temë drejtoresha e përgjithshme e UNICEF-it, Henrietta Fore tha se “Martesa e hershme po vjedh fëmijërinë e njerëzve”.

Pasi ka vënë në dukje se fëmijët dhëndërr detyrohen të marrin përgjegjësinë e të rriturit, Fore thekson se “Martesa e hershme sjell babanë e hershëm. Përveç kësaj, u ngarkon fëmijëve detyrimin për të mbajtur familjen, ndërprerjen e arsimit dhe i detyron të punojnë”./ AA

NDANI KËTË POSTIM

Mund tju interesojne