Ka hyrë në ditën e 22 greva e urisë së naftëtareve të rafinerisë së Ballshit. Gazetari Ervis Kuçi sjell për ‘BalkanWeb’ disa pamje nga brenda grevës së urisë, ndërsa raporton ase gjendja shëndetësore e tyre është rënduar. Ato u shprehën për gazetarin Kuçi se gjendja e tyre është e vështirë dhe nga ana psikologjike. Gervistet u shprehën të vendosura se nuk do të dorëzohen, ndërsa kërkuan që kërkesat e tyre të plotësohen.
“Situata janë është e rëndë dhe e vështirë nga ana psikologjike. Po vuajmë për bukën e gojës. Ne duam vetëm bukën e gojës të premtuar nga kryeministri Rama. Faleminderit presidentit qe reagoi sepse kjo jona është greve ekonomike jo politike. Nuk dorëzohemi dhe nuk dalim nga ambientet e qendrës shëndetësorë derisa te marrim lekët.”, thanë ato.
Ndërkohë, naftëtaret thanë se kanë marrë mesazhe dhe telefonata kërcënuese ku iu është kërkuar që të ndërpresin grevën e urisë.
“Apeli vazhdon ndaj qeverisë dhe ndaj kryeministrit Edi Rama. Kemi pasur mesazhe dhe thirrje me privat dhe këto janë partiake. Nuk kemi për borxhe të dëgjojmë ato telefonata kërcënuese për të lënë grevën.
Jemi te ngujuara ekonomikisht. Shpresa eshte që Rama te vije ketu e te dialogojme, “Ja sheshi, ja mejdani “. Ne brenda ne greve ai jashtë në shesh. Ne duhet te jemi pranë familjeve tona jo ketu, ndaj duam nje zgjidhje sa me pare. Deputeti i zonës mos te vij vetëm në Ballsh sa të hajë dreke. Të zbres deri tek gratë e të shikoj çfarë behët. Nga greva nuk dalim.”, pohuan grevistet./Bw
