Turqia filloi procesin e votimit (8.00 me orën lokale) për të përcaktuar presidentin e vendit dhe kuvendin e ri të legjislaturës së 27-të.
Në këto zgjedhje votojnë 56 milionë e 322 mijë e 632 votues në 180 mijë e 65 qendra të votimit.
Votuesit e regjistruar në listat e votimin jashtë vendit do të mund të votojnë sot në vendkalimet kufitare deri në orën 17.00.
Në qoftë se votuesit kanë mbërritur në qendrën e votimit deri në orën 17.00 dhe janë duke pritur në radhë për të votuar, do të përdorin votën e tyre pasi të jenë numëruar nga ana e kryetarit të qendrës së votimit.
Në këto zgjedhje për herë të parë zbatohet një aplikacion i kutisë mobile të votimit për personat e sëmurë, të cilët nuk mund të shkojnë në qendrat e votimit.
Në këtë kuadër këto kuti do ti dërgohen votuesve të cilët deklarohen se nuk mund të dalin në votim për shkak të sëmundjes.
Bëhet e ditur se në kuadër të këtij zbatimi janë në dispozicion 303 kuti të votimit për 17 mijë e 258 votues që përfitojnë nga ky kriter.
Në zgjedhjet presidenciale garojnë 6 kandidatë.
Rikujtojmë se në ditën e votimit të gjitha transmetimet në lidhje me zgjedhje do të lejohen pas orës 21.00, por këto transmetime do të mund të bëhen edhe më herët në rast se vlerësohet si e nevojshme nga ana e Këshillit të Lartë Zgjedhor./ trt
