Samiti i Organizatës së Bashkëpunimit Islam (OIC), mbajtur të mërkurën me agjendë të jashtëzakonshme në përgjigje të ftesës së Turqisë si kryesuese e radhës, pati edhe një mysafir surprizë.
Në këtë takim të rëndësishëm, i cili mblodhi në Stamboll liderët e 57 vendeve islame, mori pjesë si mysafir edhe Kryetari i Shtetit të Venezuelës, Nicolas Maduro, që po qëndron në metropolin më të madh turk për një tjetër aktivitet.
Maduro pozoi për fotoreporterët në krah të zëdhënësit dhe nënsekretarit të përgjithshëm të Presidencës së Republikës së Turqisë, Ibrahim Kalin, të cilin e konsideron “një mik për kokë”./ trt
