Shqiperia

“Një vend anëtar i NATO-s nuk mund të sillet si Koreja e Veriut”, Bardhi publikon videon ku njërit prej emigrantëve të ngecur në kufi i bie të fikët

Sekretari i Përgjithshëm i Partisë Demokratike, Gazment Bardhi, ka publikuar videon ku një prej emigrantëve që kanë ngecur prej ditësh në kufi i bie të fikët.

Bardhi thotë se trajtimi që po u bëhet shqiptarëve në kufi është çnjerëzor, ndërsa thekson se një vend anëtar i NATO-s dhe Këshillit të Europës, kandidat për anëtar në Bashkimin Europian, nuk mund të sillet kurrë me standardet e Koresë së Veriut ndaj qytetarëve të tij.

Reagimi i Bardhit:

Situata e bashkëqytetarëve në kufirin tokësor midis Shqipërisë dhe Greqisë i ka kaluar limitet e trajtimit çnjerëzor. Pjesa dërrmuese e tyre janë punonjës sezonalë në shtetin grek, pa asnjë mundësi për të jetuar atje pa punë. Një vend anëtar i NATO-s dhe Këshillit të Europës, kandidat për anëtar në Bashkimin Europian, nuk mund të sillet kurrë me standardet e Koresë së Veriut ndaj qytetarëve të tij.

Qytetarë të lënë në mes të rrugës, për ditë të tëra, pa ushqim, pa ujë dhe pa asnjë ndihmë, po rrezikojnë jetën, vetëm për shkak se Qeveria nuk ushtron përgjegjësinë e saj ligjore. Është e patolerueshme që Qeveria vijon me kokëfortësi injorimin e të drejtës së qytetarëve shqiptarë për të hyrë në atdheun e tyre. Ky është krim.

/Tpz

OPINIONE

INTERVISTA