Kryeministri Ramush Haradinaj, së bashku me presidentin Hashim Thaçi dhe ministrin e Jashtëm Behgjet Pacolli, u ribashkuan dje në një restorant në Gjakovë pak kohë pasi ishin mbledhur për të kujtuar Betejën e Kosharës.
Nga Kosharja, tre liderët e lartë të shtetit shkuan në restorantin “Xeni Imperial” në Gjakovë, ku u pritën nga pronari i këtij restoranti, që njëkohësisht është edhe këngëtar, Shkelzen Jetishi.
Përveç se u pritën me ushqim, në restorantin e këngëtarit të njohur, Haradinaj, Thaçi e Pacolli dëgjuan muzikë të kënduar nga Shkelzen Jetishi – Xeni.
Në një video të publikuar në rrjetin social Facebook nga djali i Shkëlzen Jetishit, Korabi, shihen tre liderët teksa konsumojnë ushqimin e drekës në restorantin “Xeni Imperial”. Nga të tre, kryeministri Haradinaj nuk ngopej nga alokooli dhe ushqimi.
Teksa pronari i restorantit po i uronte mirëseardhjen Haradinajt, Thaçit, Pacollit dhe të tjerëve, kryeministri kosovar dëgjohej teksa kërkonte të tjera birra nga kamarieri.
“O bjere naj birrë, o ti djalë”, thoshte Haradinaj, teksa këngëtari Jetishi vazhdonte të fliste me mysafirët.
