Partitë opozitare në Kosovë, Lidhja Demokratike e Kosovës, Lëvizja Vetëvendosje, Partia Socialdemokrate dhe Alternativa, i janë drejtuar me një letër shefes për Politikë të Jashtme dhe Siguri të BE-së, Federica Mogherini.
Përmes një postimi i Facebook, shefi i Grupit Parlamentar të LDK-së, Avdullah Hoti ka njoftuar se përmes kësaj letre, partitë opozitare kanë shprehur pakënaqësinë e tyre lidhur me idenë që po diskutohet për ndryshimin e kufijve, duke thënë se ide të tilla “nuk do të përkrahen”.
Dialogu mes Prishtinës dhe Beogradit ka nisur në vitin 2011. Sipas Bashkimit Evropian, që ndërmjetëson bisedimet, në fund të këtij procesi, të dyja vendet duhet të arrijnë një marrëveshje për normalizimin e raporteve e cila, mes te tjerash, i çon të dyja vendet drejt integrimeve evropiane.
Burimi: Ballkanweb