Organizata Ndërkombëtare Amnesty ka njoftuar se Emiratet e Bashkuara Arabe i kanë dërguar armë me origjinë perëndimore milicëve që luftojnë në strukturën e koalicionit nën udhëheqjen e Arabisë Saudite kundër Lëvizjes Ansarullah në Jemen.
Organizata Ndërkombëtare Amnesty ka njoftuar se Emiratet e Bashkuara Arabe i kanë dërguar armë me origjinë perëndimore milicëve që luftojnë në strukturën e koalicionit nën udhëheqjen e Arabisë Saudite kundër Lëvizjes Ansarullah në Jemen.
Në një deklaratë të bërë nga organizata Al, u tha se: “Forcat e Emirateve të Bashkuara Arabe po shpërndajnë armë me vlerë miliarda dollar të cilat i kanë blerë nga vendet perëndimore dhe vendet e tjera për milicitë në Jemen të cilët po kryejnë krime lufte dhe nuk po i japin llogari askuj.”
Organizata Af ka thënë se përhapja e forcave të milicisë e mbështetur nga koalicioni nën udhëheqjen e Arabisë Saudite, duke përfshirë edhe Emiratet e Bashkuara Arabe, “e ka përkeqësuar edhe më shumë situatën humanitare në Jemen”, ndërkaq hulumtuesi Patrick Wilcken ka thënë se mijëra njerëz janë vrarë dhe miliona civil po jetojnë nën kërcënimin e urisë për shkak të luftës që po vazhdon që nga viti 2015.
Duke iu referuar raporteve të një grupi gazetarësh të quajtur Gazetarë Arabë për Gazetari Hulumtuese, Wilcken ka thënë se armët me origjinë amerikane dhe britanike kanë kaluar në duart e ISIS-it dhe të Al Kaidës.
Amnesty International gjithashtu u bëri thirrje vendeve që ofrojnë armë për palët që luftojnë në Jemen, për të ndaluar shitjen e armëve “derisa të mos ketë rrezik serioz”, në mënyrë që këto armë të mos përdorën për shkeljen e të drejtave të njeriut.
Pas vrasjes së gazetarit saudit, Jamal Khashoggi në konsullatën e Arabisë Saudite në Stamboll, vendet perëndimore, të cilat mbështetën me armë dhe inteligjiencë koalicionin e udhëhequr nga Arabia Saudite, kishin filluar të bëjnë presion për përfundimin e luftës në Jemen.
Korrikun e kaluar, organizata Amnesty kishte thënë se Emiratet e Bashkuara Arabe kanë kryer shkelje të ndryshme të të drejtave të njeriut në Jemen dhe se këto shkelje mund të konsiderohen si ‘krim lufte’, si dhe kishte kërkuar që këto pretendime të shqyrtohen.
Burimi : T.News Agency / ML
