Në një deklaratë për mediat, kreu u grupit parlamentar të LSI, Petrit Vasili tha se paketa anti-shpifje e propozuar nga kryeministri Edi Rama është një përzierje mes maskarallëkut dhe idiotësisë.
“Paketa anti-shpifje është një përzierje shumë e veçantë ndërmjet maskarallëkut dhe idiotsisë. Eshtë një bashkim që i mishëron vetëm kryeministri, amalgamë mes maskarait dhe idiotit”- tha Vasili.
Petrit Vasili ka folur edhe për kthimin e ligjit të Teatrit për shqyrtim nga presidenti Ilir Meta për të cilën tha se është rreze shprese që Kushtetuta ka një institucion që i respekton.
“Është një ngjarje e mirë shumë. Është rreze shprese që Kushtetuta ka një institucion që i respekton. Ka mbrojtur një pronë publike dhe i ka dhënë një mesazh të madh mbështetje trashëgimisë dhe kulturës. Është mesazh shprese”- tha Vasili.
Burimi: BalkanWeb
