Pakistani nxjerr nga burgu liderin e lartë të talebanëve me kërkesë të SHBA-së

Pakistani ka lëshuar Mullah Baradar, një komandant të lartë të talebanëve, si një masë “për krijimin e besimit”, të kërkuar nga SHBA, e cila është e angazhuar në të ashtuquajturat bisedimet e paqes me kryengritësit.

Abdul Ghani Baradar, ish-dora e djathtë e themeluesit të talebanëve,  Mullah Omar, ishte mbajtur në paraburgim Pakistanit për më shumë se tetë vjet, thanë burimet enjten.

Ky veprim është me qëllim si ndimë në ndihmë në të ashtuquajturat bisedimet e paqes mes SHBA-së dhe grupit militant, pasi të dy palët ranë dakord në Doha, Katar për të vazhduar negociatat e fshehta.

Më pak se dy javë më parë, i dërguari i SHBA Zalmay Khalilzad u takua me përfaqësuesit talebanë në Katar për të diskutuar një marrëveshje “paqeje”.

“Baradar u lirua dje pasdite dhe ai u bashkua me familjen e tij”, ka thënë zëdhënësi i talibanëve, Zabihullah Mujahid për AFP në një mesazh WhatsApp.

Një zyrtar i inteligjencës pakistaneze gjithashtu vuri në dukje se Baradari u lirua disa ditë më parë.

Baradar ishte udhëheqës me profil të lartë i talebanëve i  arrestuar nga      Pakistani që nga sulmet e 9/11 në vitin 2001. Ai u arrestua në portin jugor të Karaçit në vitin 2010, thuhet në një operacion që është përshkruar si një goditje e madhe për grupin militant.

Përveç Baradar, disa udhëheqës të tjerë të lartë talebanë janë liruar këtë javë pas bisedimeve të drejtpërdrejta me Khalilzad më 12 tetor, një zyrtar i lartë taleban i tha AFP, duke shtuar se ata besojnë se janë liruar me kërkesën e SHBA-ve.

Sipas zyrtarit, Baradari ka të ngjarë të qëndrojë në Pakistan dhe të udhëtoi  në mes të zyrës së Dohas, Kabul dhe Islamabad.

Talebanët njoftohet se më 13 tetor do të vazhdojnë bisedimet me SHBA-të, edhe pse nuk është arritur asnjë në raundin e parë të takimit në Doha./SS

 

NDANI KËTË POSTIM

Mund tju interesojne