Përkrahësit e organizatës separatiste terroriste YPG/PKK, që ka mbetur me shpatulla pas muri falë operacionit Burimi i Paqes, filluan veprimtaritë e dhunës jashtë shtetit.
Përkrahësit e YPG/PKK, që nxjerrin si pretekst operacionit “Burimi i Paqes” marshuan drejt Ambasadës së Turqisë në Bern të Zvicrës.
Ata nuk përfillën paralajmërimin e policisë dhe e sulmuan atë me gurë dhe shkopinj si dhe dëmtuan ndërtesat përreth. Policia i shpërndau ata duke përdorur ujë me presion dhe shkop gome.
Simpatizuesit e terrorit gjithashtu nuk qëndruan urtë as në Belgjikë.
Grupi i mbledhur në sheshin e qytetit të Liege sulmoi turqit me thika dhe mjete të mprehta.
Dy të rinj të lënduar u dërguan për mjekim në spital.
Përkrahësit e organizatës separatiste terroriste sulmuan edhe shoqatën turke në qytetin Villingen-Schwenningen të Gjermanisë dhe një dyqan turk në Nuremberg.
3 shtetas turq u plagosën për shkak të këtyre sulmeve.
Turqit reaguan ndaj policisë, që toleron përkrahësit e organizatës terroriste dhe protestat e tyre pa leje.
Edhe në Hungari, përkrahësit e organizatës separatiste terroriste YPG/PKK, që donin të protestonin përpara ambasadës së Turqisë në Budapest të Hungarisë u penguan nga turqit, që jetojnë në këtë vend.
Falë tubimit me flamur të turqve, përkrahësit e organizatës terroriste u detyruan të largohen.
Edhe në Izrael, një grup organizoi protestë në mbështetje të organizatës separatiste terroriste YPG/PKK dhe kundër operacionit “Burimi i Paqes”, që ka për qëllim të eliminojë korridorin terrorist që kërkohet të krijohet në kufirin jugor të Turqisë dhe të sjellë paqen në rajon.
Grupi i përkrahësve të organizatës terroriste u mblodh në sheshin Tsarfat/Paris në Jerusalemin Perëndimor dhe hodhi slogane kundër Turqisë.
Anëtarët e grupit, që mbanin në duar flamur të YPG dhe Izraelit, krahas sloganeve mbështetëse për organizatën terroriste hodhën slogane që kishin në objektivë Presidentin Rexhep Tajip Erdoan (Recep Tayyip Erdoğan).
Grupi mbështetës i organizatës terroriste u shpërnda pasi bëri një deklaratë për shtyp./trt
