Komisionet parlamentare po degradojnë çdo ditë e më shumë drejt debateve e sherreve kohët e fundit. Këtë herë përplasja ka ndodhur në Komisionin e Sigurisë, ku deputeti i PD-së Ervin Salianji ka debatuar me deputetët Steraj e Ndreu. Salianji i është drejtuar ministres duke e pyetur nëse i është dashur buxhet për të kontrolluar magazinat që përdoren për drogë dhe për vendosjen në funksion të radarëve. Ndërkohë, menjëherë kanë ndërhyrë deputetët e PS, Sterkaj dhe Ndreu duke i thënë se do hajë dajak.
DEBATI:
Salianji pyet Xhaçkën: A ju duhet më shume buxhet për të kontrolluar ish-repartet ushtarake që përdoren për magazinim droge? A ju duhet më shumë buxhet për të vendosur në funksion radarët.
Sterkaj: Je bilbil mali. Se vetëm për të folur ke ardhur.
Ndreu (pa mikrofon): Mos i provoko të gjithë se do hash dajak. Ti do rrahur.
Sterkaj-Salianjit: Unë bëj mundje, boks edhe karate. Mos më bëj mua presion.
Pjerin Ndreu: Rri more urtë se je bërë provokator i keq, rri more urtë nuk e shikon çfarë është bërë në të kaluarën.
Salianji: Nuk pyes dhe skam frikë nga asnjë bandit me ose pa pushtet.