Mbrëmjen e djeshme një 37-vjeçar në fshatin Rëmenj të Pogradecit ka mbetur i plagosur gjatë një përleshje me grabitësit, që ishin futur në vilën e tij.
Grabitësit janë kapur nga pronari në katin e dytë të vilës dhe më pas janë përleshur, ndërkohë fqinjët kanë njoftuar menjëherë policinë. Njëri nga grabitësit 42-vjeçari Erjon Ibi, është vënë në pranga pas ndërhyrjes së shpejtë të policisë.
Ndërkohë grabitësit tjetër, ka mundur të largohet para mbërritjes së policisë. 42-vjeçari Erjon Ibi, ka mundur të marrë vetëm disa bizhuteri, të cilat iu gjetën e sekuestruan në cilësinë e provës materiale.