Bota Islamofobi

Policia izraelite sulmon xhematin në Mesxhid-i Aksa

Policia izraelite sulmoi xhematin pas namazit të sabahut duke bastisur Mesxhid-i Aksanë e cila ndodhet në Kudsin Lindor nën okupim.

Sipas informacioneve të marra nga dëshmitarët, një numër i madh i palestinezëve falën namazin e sabahut në Mesxhid-i Aksa për të tërhequr vëmendjen ndaj shkeljeve të Izraelit ndaj vendeve të shenjta në Kuds.

Policia izraelite sulmon xhematin në Mesxhid-i Aksa

Pas namazit, palestinezët nën shoqërimin e tekbireve dhe sloganeve marshuan drejt murit të Mesxhid-i Aksa. Pas kësaj një numër i i policëve izraelitë bastisën Mesxhid-i Aksanë duke sulmuar xhematin dhe duke goditur disa prej tyre.

Ndërsa më pas forcat izraelite me forcë nxorrën xhematin i cili ndodhej në Mesxhid-i Aksa.

Në anën tjetër në një deklaratë nga policia izraelite thuhet se “Sot shumë persona të mbledhur në ‘Malin e tempullit’ (emërimi i hebrenjve për Mesxhid-i Aksanë) në Kuds shkaktuan shqetësime dhe brohoritën me slogane kombëtare. Policia shpërndau personat që shkaktuan shqetësimin”.

Mesxhidi Aksa e cila ndodhet në Kudsin Lindor të okupuar nga Izraeli në vitin 1967, ka cilësinë e kiblesë së parë për muslimanët.

Nën kompleksin e Mesxhid-i Aksasë, që përfshin xhaminë Kibla dhe xhaminë Kubbetu Sahra, si dhe muzeumet, medresetë dhe një mur të madh, hebrenjtë kryejnë punime të gërmimeve me pretendimin se nën të “ndodhen mbetjet e varrit të Solomonit”. Ata gjithashtu mbrojnë idenë e tyre se edhe ata kanë të drejtë të luten në Mesxhid-i Aksa./AA

OPINIONE