Pak orë pas vrasjes mafioze në mes të Tiranës, ku u ekzekutua ish kryepolici Artan Cuku, Policia ka marrë në mbrojtje familjen e tij. Shërbime të policisë së Tiranës janë vendosur në ruajtje të banesës së ish oficerit. Mësohet se Policia do të jetë në mbikëqyrje të banesës se tij deri sa të përcaktohet pista e ngjarjes.
Burime nga policia bëjnë me dije se nuk ka asnjë pistë të qartë për shkakun e vrasjes Policia po merr që prej të shtunës në pyetje persona dëshmitarë që mund të kenë parë autorët, teksa pritet të marrë në pyetje edhe familjarët e ish oficerit.
Po sot Policia liroi edhe vëllezërit e Agim Dakës, të cilët thanë se se hesapet me kryepolicin i kishin mbyllur pas vdekjes së vëllait të tyre./DRITARE
