Bota

Presidenti çek akuzon BE-në për standarde të dyfishta

Presidenti çek deklaron para një vizite në Rusi, se BE-ja ka njohur ndarjen e Kosovës nga Serbia, kurse në rastin e Krimesë ndjek standarde të dyfishta.

Në një intervistë për mediat ruse Zeman tha se BE-ja nuk ka një udhëheqje të fortë ndryshe nga SHBA-ja, Rusia dhe Kina. Ai gjithashtu akuzoi BE për standardet e dyfishta në Krime, të cilën Rusia e pushtoi në vitin 2014 në kundërshtim me të drejtën ndërkombëtare.

Sipas Zeman në këtë rast, BE-ja përdor standarde të dyfishta kur nuk e njeh Krimenë, sepse BE-ja ka njohur ndarjen e Kosovës nga Serbia.

Zeman shoqërohet gjatë vizitës së tij në Rusi nga më shumë se 120 përfaqësues të biznesit dhe të industrisë. Ai do të hapë përkatësisht një konferencë ekonomike në Moskë dhe një në Jekaterinburg. Përveç këtyre aktiviteteve në agjendën e vizitës parashikohen takime me kryeministrin Dmitri Medvedev dhe me kreun e fundit të shtetit të Bashkimit Sovjetik, Mikhail Gorbaçov.

 

 

 

OPINIONE