Kjo e hënë ka nisur me protesta para godinës së Kryeministrisë, kundër kampeve të refugjatëve në Shqipëri. Në bulevardin Dëshmorët e Kombit, një grup të rinjsh po protestojë kundër marrëveshjes mes qeverisë shqiptare dhe asaj italiane, lidhur me qendrat pritëse të refugjatëve që kapen në det nga autoritetet e shtetit fqinj. Me pankarta në duar dhe duke brohoritur “Marrëveshje ilegale, rezistenca globale”, të rinjtë shqiptarë, por edhe të huaj shprehën kundërshtimin e tyre ndaj kampeve të refugjatëve në Gjadër.
Pritet, që pas tubimit para Kryeministrisë, të shkojnë dhe të protestojnë tek Ambasada Italiane në Tiranë si dhe te delegacioni i BE. Kujtojmë se aktualisht në dy kampet që hapën dyert në tetor, nuk ka asnjë emigrant dhe marrëveshja mes Ramës dhe Melonit ka mbetur vetëm në letra./NewsBomb
