Protestuesit anti-qeveritarë në Bullgari kanë rivendosur bllokadat në rrugët e kryeqytetit, Sofje në orët e hershme të së shtunës.
Këto pengesa ishin hequr nga policia vetëm një ditë më parë.
Rreth 5 mijë protestues protestuan në kryeqyteti bullgar më 7 gusht. Kjo ishte nata e 30 me radhë që protestuesit kërkuan dorëheqjen e qeverisë së kryeministrit Boyko Borisov, për shkak të akuzave për korrupsion.
Protestuesit kanë bllokuar tri rrugë kryesore në Sofja që prej 29 korrikut dhe më 1 gusht mbajtën një protestë, që u konsiderua më e madhja në këto vitet e fundit.
Bllokadat e vendosura në rrugë nga protestuesit po pengojnë qarkullimin e trafikut.
Policia – që i hoqi këto pengesa më 7 gusht – i paralajmëroi protestuesit se më nuk do të tolerojë që ata të bëjnë një gjë të tillë.
Protestuesit gjatë natës ndërmjet 7 dhe 8 gushtit vendosën edhe tenda në tri rrugët kryesore, rreth së cilave vendosën kotenierë të mëdhenjë të mbeturinave dhe ulëse të parqeve.
Protestuesit akuzojnë qeverinë dhe kryeprokurorin e shtetit për proteksionizmit dhe varësinë nga oligarkët.
Më 5 gusht, kryeministri Borisov ka sugjeruar se ai mund të tërhiqet nga ky post dhe qeveria e tij të vazhdojë të jetë në pushtet deri në fund të mandatit – që përfundon në mars të vitit 2021. Por, vetëm një ditë më pas, partnerët e koalicionit vendosën që Borisov të qëndrojë në postin e kryeministrit./Tpz
