Bota

Putin i dërgon mesazhe miqësore Trumpit dhe shumë liderëve botërorë

Përmes një mesazhi urimi për vitin e ri, presidenti rus i ka thënë presidentit amerikan se është i hapur për dialog për një numër të madh temash. Presidenti Trump e kishte anuluar takimin me Putinin gjatë samitit “G20” në Argjentinë për shkak të kapjes të anijeve ukrainase nga Rusia.

“Presidenti Putin theksoi se marrëdhëniet mes dy vendeve janë faktori më i rëndësishëm për sigurimin e stabilitetit strategjik dhe sigurisë ndërkombëtare. Ai konfirmoi se Rusia është e hapur për dialog me SHBA-në me një agjendë të gjerë të çështjeve”, thuhet në njoftimin e Kremlinit.

Në një letër tjetër dërguar presidentit sirian, Bashar al-Assad, ai premtoi se Rusia do ta vazhdojë mbështetjen për qeverinë siriane dhe popullin e saj për ta luftuar terrorizmin dhe për ta mbrojtur integritetin territorial.

Presidenti rus iu dërgoi letra urimi edhe udhëheqësve tjerë botërorë, përfshirë kryeministren britanike, Theresa May, kryeministrin japonez, Shinzo Abe dhe presidentin kinez, Xi Jinping, shkruan “The Guardian”

OPINIONE