Shqiperia

Ra nga skela, humb jetën 28-vjeçari, prangoset pronari i shtëpisë ku po punonte

Një ngjarje e rëndë ka ndodhur në Krujë, teksa një 28-vjeçar është rrëzuar nga skela dhe ka humbur jetën.

Policia ka arrestuar për ngjarjen një 46-vjeçar, pasi i riu ka humbur jetën teksa ka qenë duke punuar në banesën e tij, ku po kryhej ndërtim pa leje.

Njoftimi i policisë:

Specialistët për Hetimin e Krimeve në Komisariatin e Policisë Krujë arrestuan në flagrancë shtetasin:

L. K., 46 vjeç, banues në Krastë, Krujë, i dënuar më parë për veprën penale “Ndërtim pa leje”, si dhe kanë shpallur në kërkim shtetasin R. H., 39 vjeç, banues në Kameras, Fushë Krujë.

Procedimi penal në ngarkim të këtyre shtetasve ka filluar pasi më datë 07.09.2020, në Krastë, Fushë Krujë, ndërsa po kryheshin punime ndërtimi pa leje në banesën e shtetasit L. K., nga një firmë ndërtimi me administrator shtetasin R. H., aksidentalisht është rrëzuar nga skela punëtori shtetasi E. G., 28 vjeç, banues në Krujë, i cili për pasojë ka ndërruar jetë./tpz

OPINIONE

INTERVISTA