Bota Shqiperia

Raporti i Europol/Krimi italian dominon Europën. Lidhje të kufizuara me Shqipërinë përmes Ndragetas

Një opinion i Vincenzo Musacchio në faqen e njohur italiane online, AntimafiaDuemila, vë në dukje çështjen e kriminalitetit të organizuar në Europë. Sipas aktivistit në fjalë, që është në krye të Observatorit Antimafie në Molise, organizatat kriminale italiane dominojnë Europën qoftë në nivel organizativ, qoftë në aspekin ekonomik, qoftë në nivelin represiv.

Autori i referohet një raporti të fundit të Europol që flet për rritjen e prezencës së krimit italian në pesë vitet e fundit me aktivitet në Spanjë, Bullgari, Britani e Madhe, Gjermani, Austri, Zvicër dhe Portugali. Gama e aktiviteteve është e gjerë dhe organizatat e llojit mafioz me origjinë nga Italia është shumë e gjerë dhe nis nga trafiku ilegal te mashtrimet financiare.

Zbulohet se mafia kalabreze, Ndrageta, ka blerë aksione të gjigandit rus, Gazprom si dhe paraqitet e përfshirë në kompani të shumta të Europës së Veriut.

Referuar këtij raporti, autori thotë se dy klane kalabreze, ndrinat e Ciro-s dhe Colrigliano-s, mendohet se janë të përfshira në trafik armësh me grupe kriminale nga Shqipëria. Vendi ynë zë shumë pak hapësirë në opinionin e Musacchios çka provon ose kualifikimin e tij si origjinë e disa trafiqeve që në fund të fundit menaxhohen nga organizata të tjera, ose për shkak se fokusi i shkrimit është Italia, ose sepse Shqipëria në këtë drejtim konsiderohet zgjatim i organizatave italiane.

Megjithatë autori vë në dukje se familje mafioze siçiliane dhe klane të Camorrës veprojnë në Belgjikë, kurse Cosa Nostra dhe Ndrageta janë aktive në Luksemburg dhe në Montecarlo. Camorra është aktive po ashtu në Bullgari, Slloveni dhe Kroaci, me një shtrirje të gjerë dhe infrastrukturë masive. Musacchio sugjeron krijimin e një Prokurorie antimafie në nivel europian, me rishikimin e kodeve penale për sa i përket krimit të bashkëpunimit kriminal të llojit mafioz, zbatimin reprok të sekuestrimit të pasurive./respublica

OPINIONE