Në një bisedë telefonike me kryeministrin pakistanez, presidenti iranian theksoi se Irani dëshiron që India dhe Pakistani të ruajnë vetëpërmbajtjen dhe të parandalojnë pasigurinë dhe vrasjen e njerëzve të pafajshëm në Kashmir.
Hasan Ruhani, në një bisedë telefonike me kryeministrin Imran Khan, theksoi rëndësinë e sigurisë rajonale për Iranin, veçanërisht në gadishullin Indian, duke shtuar: “Republika Islamike e Iranit ka bërë çdo përpjekje për të ruajtur paqen dhe sigurinë në rajon dhe që të drejtat e kombeve myslimane të mos mohohen. Ruhani gjithashtu tha se çështja e Kashmirit nuk ka kurrë një zgjidhje ushtarake dhe se çështjet duhet të zgjidhen përmes diplomacisë. Në këtë bisedë, kryeministri pakistanez Imran Khan i përshkroi marrëdhëniet Iran-Pakistan si vëllazërore dhe miqësore dhe tha: Pakistani është i shqetësuar për vrasjen e njerëzve të pafajshëm në Kashmir dhe rritjen e tensioneve në rajon dhe shtoi se Irani si një vend me rëndësi në rajon dhe në botën islamike mund të luajë një rol pozitiv në zgjidhjen e çështjes së Kashmirit. Qeveria e Indisë të hënën, më 5 gusht, njoftoi se parimi i kompetencave speciale për qeverinë në Kashmirin e kontrolluar nga India është shfuqizuar me kushtetutën indiane për këtë zonë. Populli i Kashmirit kërkon zbatimin e rezolutës së Këshillit të Sigurimit të OKB për referendum për të përcaktuar statusin e Kashmirit, por qeveria indiane vazhdimisht ka kundërshtuar këtë masë./parstoday
