Kryetari i Shtetit të Rusisë, Vladimir Putin dhe lideri i regjimit sirian, Beshar Esed, u takuan mbrëmjen e së hënës në qytetin Soçi të Rusisë.
Siç bën të ditur Kremlini përmes një komunikate me shkrim, gjatë takimit Putin-Esed është theksuar se procesi ushtarak në Siri duhet t’i afrohet fundit për të nisur tashmë procesin politik.
Pasi ka tërhequr vëmendjen mbi domosdoshmërinë e përcaktimit të linjave kryesore të procesit politik në Siri, lideri rus i është drejtuar Esedit me këto fjalë: “Unë jam kureshtar të njihem edhe me pikëpamjet tuaja në lidhje me Kongresin e Dialogut Kombëtar Sirian. I rëndësishëm është gjithashtu këndvështrimi juaj në procesin politik, që do të ndiqet nën patronazhin e Kombeve të Bashkuara.”
Ndërsa Esedi ka shprehur gatishmërinë e regjimit për dialog me të gjitha palët, të cilat do të mbështesin procesin politik në Siri.
“I besojmë mbështetjes së Rusisë që fuqitë e huaja të mos ndërhyjnë në procesin politik sirian”, ka shtuar kreu i regjimit sirian, sipas komunikatës së Kremlinit./ trt