Samiti në Sharm el Sheikh, habit Mbreti saudit: i vendos kufijtë e Palestinës në vitin 1937

Mbreti saudit Salman bin Abdelaziz tërhoqi vëmendjen me një deklaratë gjatë një fjalimi në hapjen e samitit të liderëve të Bashkimit Evropian dhe të Ligës Arabe, i cili po zhvillohet në Sharm el-Sheikh të Egjiptit.

Mbreti Salman befasoi të gjithë, pasi kufijtë palestinezë para pushtimit izraelit “i vendosi” në vitin 1937 e jo në 1967-ën.

“Ne përsërisim qëndrimin e pandryshuar në domosdoshmërinë e restaurimit të të drejtabe legjitime të popullit palestinez, duke përfshirë krijimin e një shteti palestinez brenda kufijve të vitit 1937 dhe me Jerusalemin Lindor si kryeqytetin e saj”, tha Mbreti Salman.

Fjalimi i Mbretit Salman ishte i gatshëm, kështu që surpriza e ngatërrimit të viteve bëhet dhe më e madhe.

Deri tani, Arabia Saudite dhe Izraeli nuk e kanë komentuar atë që mund të konsiderohet si “gabim” i Mbretit.

Nga ana tjetër, samiti i liderëve të BE-së dhe Ligës Arabe është e karakterizuar nga një pjesëmarrje shumë të ulët të liderëve të vendeve të botës arabe.

NDANI KËTË POSTIM

Mund tju interesojne