Sarandë, kapet 52 kg kanabis që po trasportohet me mushka në kufi

Policia Kufitare e Sarandës ka sekuestruar 52 kilogram lëndë narkotike e dyshuar Cannabis Sattiva, në Qafë Bot, e cila po transportohej me mushka në drejtim të kufirit me Greqinë.

Në bazë të informacioneve të marra në rrugë operative se po transportohej lëndë narkotike me kafshë në drejtim të kufirit tokësor të Greqisë, policia kufitare filloi kontrollin e territorit në bashkëpunim me Policinë e Sarandës.

Nga kontrolli i zonës së Qafë Botit, pranë vendit të quajtur “Piramidat 66”, shërbimet kanë konstatuar një sasi me lëndë narkotike prej 52 kilogram të futur në 4 çanta sportive, të cilat u sekuestruan në cilësinë e provës materiale.

Vijon bashkëpunimi edhe me policinë kufitare të shtetit grek, pasi dyshohet se autori mund të jetë fshehur në territorin e tyre. Po punohet për kapjen e tij./ Lapsi

NDANI KËTË POSTIM

Mund tju interesojne