Bota

Senati amerikan voton për të ndërprerë ndihmat ndaj palestinezëve

Komiteti i Senatit Amerikan për Marrëdhëniet me Jashtë miratoi të enjten legjislacionin që do të pezullojë ndihmën financiare të SHBA-së ndaj Autoritetit Palestinez, mbi trajtimin e tij pozitiv ndaj palestinezëve që sulmojnë izraelitët.

Anëtarët e panelit të udhëhequr nga republikanët votuan 16-5 për të kaluar masën, e cila sponsorizohet nga Lindsey Graham dhe kryetari i komitetit Bob Corker.

Kërkesa e buxhetit të administratës Trump për vitin fiskal 2018 përfshin rreth 260 milionë dollarë për zhvillimin ekonomik dhe programet e zbatimit të ligjit në Bregun Perëndimor dhe në Gaza.

Ndërprerja mund të ndikojë rëndë dy milionë palestinezë që jetojnë në qytetin e Gazës, që ka qenë nën një bllokadë izraelite që nga viti 2007. Banorët e Gazës tani kanë vetëm 3 deri në 4 orë energji elektrike në ditë, duke i detyruar spitalet dhe institucionet e tjera mjekësore të mbështeten kryesisht në gjeneratorë dhe në karburant të shtrenjtë, ndërsa shumë shtëpi private thjesht kalojnë pa drita.

Projektligji është emëruar pas Taylor Force, një student masteri në Universitetin Vanderbilt dhe një i diplomuar në West Point i cili ishte duke vizituar Izraelin në mars të vitit 2016, kur u therur për vdekje nga një palestinez. Force ishte nga Lubbock, Texas.

Graham tha se Autoriteti Palestinez e vlerësoi vrasësin e Force si një “martir heroik” dhe i ka quajtur pagesat “paguaj për të vrarë”.

“Taylor ishte një hero amerikan i vrarë brutalisht nga duart e terroristëve”, tha Graham në një deklaratë. “Megjithatë, në vend që të dënojë këtë sulm të tmerrshëm – dhe shumë të tjerë si ai – Autoriteti Palestinez i shpërblen terroristët”. / © Gazeta Impak

OPINIONE

INTERVISTA