Shqiperia

Shantazhi i gjyqtarit të Strasburgut/ Prokuroria sekuestron audiopërgjimin Biba-Bianku

Prokuroria e Tiranës ka vendosur të sekuestrojë materialin bruto të bisedës mes gjyqtarit të Strasburgurt Ledio Bjanku dhe nënkryetarit të Komisionit Qëndror të Zgjedhjeve Denar Biba. Vendimi erdhi pas nisjes së hetimeve nga prokuroria nën akuzën e ndikimit të paligjhshëm të personave që ushtron funksione publike. Prokuroria më pas do të vendosë për të vijuar me veprimet e tjera hetimore, ku nuk përjashtohet edhe pyetja e dy protagonistëve Biba dhe Bjanku për të dhënë shpjegime .

Një ditë më parë në media u publikua audiopërgjimin duke pretenduar se nën kryetari i KQZ Denar Biba, në emër të sekretarit të përgjithshëm të Kryeministrisë Engjëll Agaci ka shantazhuar gjyqtarin përfaqësues të Shqipërisë ne Gjykaten e Strasburgut, për të mbyllur problemin e pronave.

Biseda është bërë në 2014. Vetë Biba në një prononcim për mediat pranoi se kishte bërë bisedën por tha se e vërteta e metaforës së trenit nuk është ashtu siç është intepretuar si shantazh ndaj gjyqtarit që ky i fundit të bllokojë çështjet e pronave në Strasburg.

Pak orë pas publikimit të videos Kreu i PD-së, Lulzim Basha doli në një deklaratë për median ku e quajti ‘akt të mirëfilltë mafioz” dhe i kërkoi prokurorisë nisjen e hetimeve menjëherë. Të njëjtën kërkesë pati edhe kreu i grupit parlamentar të LSI-së, Petrit Vasili./ lapsi

OPINIONE