Bota

SHBA lëshon në Afganistan bombën më të madhe jo-bërthamore, e përdorur për herë të parë në luftime

Ushtria amerikane ka përdorur bombën GBU-43 / B Massive Ordnance Air Blast Bomb (MOAB), me nofkën “nëna e të gjitha bombave,” për herë të parë në luftime. Forcat ajrore amerikane e kanë përdorur atë në Afganistan kundër tuneleve dhe personelit të Shtetit Islamik.

Bomb që peshon 21,000 paund (9,525 kg) u hodh në rrethin Achin të provincës Nangarhar në lindje të Afganistanit.

Pentagoni ka konfirmuar përdorimin e Moabit, dhe aktualisht është duke vlerësuar dëmin. Gjeneral John Nicholson, komandant i forcave amerikane në Afganistan ka nënshkruar përdorimin e saj, njoftoi CNN. Autorizimi është kërkuar edhe nga gjenerali Joseph Votel, komandant i Komandës Qendrore të SHBA-së (CENTCOM).

Forcat Ajrore krijuan Moabin në vitin 2003, por ai kurrë nuk kishte qenë përdorur në luftime deri të enjten në orën 19:00. Pentagoni ka prodhuar 15 Moabë me një kosto prej 16 milionë $ për njësi, sipas portalit ushtarak Deagel.

Përdorimi i bombës vjen ndërsa përfshirja amerikane në Afganistan kryeson në vitin e saj të 16-të, dhe disa ditë pasi Kapterr Mark De Alencar, një operator i Forcave Speciale Amerikane, u vra në të njëjtin rajon.

“Ushtari u plagos për vdekje të shtunën vonë gjatë një operacioni në provincën e Nangarharit,” postoi kapiteni i Marinës amerikane, Bill Salvin.

MOAB është projektuar për të shënjestruar zona të mëdha. Ai do të “ndihet si një armë bërthamore për të gjithë në afërsi të zonës së goditur”, deklaroi nënkoloneli Rick Francona për CNN.

“Sulmi ajror është projektuar për të minimizuar rrezikun tek forcat afgane dhe amerikane që kryejnë operacionet e pastrimit në këtë zonë, e ndërsa për të maksimizuar shkatërrimin e luftëtarëve dhe objekteve të ISIS-K”, tha CENTCOM në një deklaratë, duke iu referuar Shtetit Islamik Khorasan, dega e Shtetit Islamik në Afganistan, Pakistan dhe Uzbekistan.

Nicholson e përshkroi Moabin si “rezervën e duhur për të reduktuar” pajisjet plasëse të improvizuara, bunkerët dhe tunelet që ISIS përdor për të “forcuar mbrojtjen e tyre”. Bomba gjithashtu do të “ruajë vrullin e ofensivës tonë kundër ISIS-K” tha ai.

Forcat Ajrore “morën çdo masë paraprake për të shmangur viktimat civile,” tha CENTCOM.

Presidenti Donald Tramp u tha gazetarëve se ai ka dhënë “autorizimin e përgjithshëm” ushtarak, dhe “kjo është arsyeja pse ata kanë qenë aq të suksesshëm kohët e fundit.”

Kur u pyet nëse përdorimi i Moabit në Afganistan mund të jetë një mesazh për Korenë e Veriut mes tensioneve të rritura me vendin e izoluar, Trampi u përgjigj: “Unë nuk e di nëse kjo përbën një mesazh, nuk më intereson në qoftë se përbën apo jo.”

Në Moskë është planifikuar të fillojë një konferencë e paqes për Afganistanin të premten, që përfshin qeverinë afgane dhe përfaqësuesit e dymbëdhjetë vendeve të tjera. SHBA qe ftuar në konferencë, por thuhet se nuk pranoi të marrë pjesë. / © Gazeta Impakt

OPINIONE

INTERVISTA