Kryetari i Shoqatës së Gazetarëve të Maqedonisë (SHGM), Naser Selmani, deklaron se ka indikacione për shkatërrimin e paramenduar të MPM, kurse drejtoreshës i është ofruar rrogë prej 25 mijë euro, në të njëjtën kohë, gazetarëve u është ulur rroga, transmeton Gazeta Express.
Selmani thotë se ky rast tregon qartë se në Maqedoni mediat ekzistojnë për propagandë politike të pushtetit në ikje që, sipas tij, shkretoi gjithçka. Ai thekson se mediat në Maqedoni janë të korruptuara, pushteti i keqpërdorë mediat.
Kryetari i SHGM-së dënoi menaxhmentin e MPM-së që, sipas tij, jo që nuk arriti ta shpëtojë kompaninë, por edhe tenton që t’u ikë obligimeve ligjore për kompenzim të gazetarëve.
