Nje 51-vjeçar nga Berati ka rënë në prangat e policisë së Lushnjës, pasi akuzohet për shpërndarje të drogave të forta. Burime zyrtare thanë se Arben Lekës iu sekuestruan 6 doza heroinë.
Në kuadër të planit të masave të hartuar nga DVP Fier për “Kontrollin e territorit, parandalimin e ngjarjeve kriminale dhe kapjen e autorëve të ndryshëm të veprave penale”, nga Specialistët për Hetimin e Krimeve në Komisariatin e Policisë Lushnje në bashkëpunim me Seksionin për Hetimin e Trafikut të Paligjshëm dhe Narkotikëve në Drejtorinë Vendore të Policisë Fier, u bë arrestimi i 51-vjecarit.
Arrestimi i këtij shtetasi u bë pasi gjatë orëve të natës, në vëndin e quajtur “Rotondua e Plugut” Lushnje nga kontrolli i ushtruar në mjetin tip “Benz” që drejtonte ky shtetas u gjetën dhe u sekuestruan 6 doza me lëndë narkotike e dyshuar Heroinë.
Materialet i kaluan Prokurorisë pranë Gjykatës së Shkallës së Parë Lushnje për veprën penale “Prodhimi dhe shitja e narkotikëve”.
Burimi: BalkanWeb
