Shpërthimet në tankerin iranian të naftës në ujërat pranë qytetit saudit Xheda mund të kenë ndodhur si pasojë e një sulmi me raketa, tha Kompania Kombëtare Iraniane e Naftës, transmeton Anadolu Agency (AA).
Kompania iraniane në një deklaratë të publikuar në transmetuesin shtetëror tha se një sulm me dy raketa mund të ketë shkaktuar shpërthimet.
Siç u raportua, dy depot kryesore të tankerit, i cili po largohej nga Deti i Kuq, kanë pësuar dëme të rënda, dhe se asnjë person nuk është plagosur nga shpërthimet.
Ndryshe, dy shpërthime u raportuan midis orës 5:00 dhe 5:20 sipas kohës iraniane në tankerin “Sabity” në një largësi prej 60 miljesh nga Porti i Xhedas./ AA