Si po na “budallepsin” çdo ditë telefonat “smart”

Kur dilni në rrugë do shikoni njerëz që shikojnë telefonin shumicën e kohës. Disa shkruajnë mesazhe, disa përdorin mediat sociale, disa lexojnë ndonjë lajm, e rëndësishme është që në mesin e 10 personave, ju gjithmonë do të shikoni se 9 nga ta janë duke përdorur telefon.

Së fundmi, studimi i kryer nga Shkolla e Biznesit McCombs në Universitetin e Teksasit në Austin njoftoi se kapaciteti ynë njohës është zvogëluar ndjeshëm për shkak të përdorimit të shpeshtë të telefonave të mençur.

Një ekspriment të kryer për këtë studim, pjesëmarrësve u është kërkuar të marrin një sërë testesh kompjuterike që kërkonin shkallë të lartë përqëndrimi. Studiuesit kërkuan të matin kapacitetin njohës të pjesëmarrësve – me fjalë të tjera, aftësinë e trurit për të mbajtur dhe përpunuar të dhënat në çdo kohë të caktuar.

Ata gjetën se shumica e përsonave që morën pjesë në këtë eksperiment nuk ia dolën me sukses që të mbanin mend detyrat e tyre.

“Ne shohim një prirje lineare që sugjeron që ndërsa telefoni i mençur bëhet më i dukshëm, kapaciteti njohës i pjesëmarrësve zvogëlohet pra vret përqendrimin,” ka thënë autori i studimit, Adrian Ward.

Sipas tyre, përdorimi i telefonit gjatë një periudhe të gjatë kohore, zbeh edhe entuziazmin për të kërkuar gjëra reale dhe vret kurreshtjen për të prekur gjërat që na rrethojnë.

NDANI KËTË POSTIM

Mund tju interesojne